Naglab-ot sa 16 ka tawo ang napatay matapos masunog ang isa ka pabrika sang bayo sa Bangladesh.
Suno sa report, halos indi na makilala ang mga bangkay sang mga biktima bangud sang grabe nga pagkasunog.
Naglawig sa tatlo ka oras ang pagdabadaba sang kalayo sa apat ka panalgan nga building antes ini napalong sang mga bombero.
Ginatudlo nga naghalin sa kaiping nga chemical warehouse ang sunog nga nasayran nga wala sang occupancy certificate ukon license to operate.
Sa subong, natalana nga ipaidalom sa DNA testing ang bangkay sang mga biktima antes idul-ong sa ila tagsa ka pamilya.
Padayon naman ang imbestigasyon sang mga otoridad sa gintunaan sang insidente.
