CABATUAN, ILOILO – 16 ang pilason matapos nga nadulaan sang preno ang depampasahero nga jeep sa Brgy. Gines Patag, Cabatuan, Iloilo.
Sa interview sang Bombo Radyo kay Police Staff Sergeant Renan Lenado, imbestigador sang Cabatuan Municipal Police Station, iya ginpahayag nga padulong sa syudad sang Iloilo ang depampasahero nga jeep nga may biyahe Janiuay-Iloilo sang natabo ang aksidente.
Suno kay Lenado, buta sang pasahero ang jeep nga ginamaneho ni Efren Galbano, 36, sang Guadalupe, Janiuay, Iloilo sang hinali lang nga nadulaan sang preno.
Ginpahayag ni Lenado nga ginkabig pa tuo sang driver ang salakyan rason nga nadagdag sa kanal ang jeep.
Sa subong, yara naman sa maayo nga kahimtangan ang mga biktima.
