ILOILO CITY – Nagalab-ot sa P160,000 nga balor sang shabu ang nakuha sa duha ka drug personality nga nadakpan sang Drug Enforcement Team sang Mandurriao PNP kag Molo PNP sa buybust operation sa Zone 4, North Baluarte, Molo, Iloilo City.
Ang mga nadakpan amo sanday Stanley Sy, 36, kag Abraham Sanchez, 43, sang nasambit nga lugar.
Nakuha gikan sa duha ang apat ka bulto sang shabu.
Ginapahayag nga ang transaksyon kay Sy ang natabo sa Brgy. San Rafael, Mandurriao, Iloilo City tubtub nga iya nga ginhagad ang poseur-buyer sa balay ni Sanchez.
Gin-ako naman ni Sy nga iya ang mga nakuha nga shabu nga naghalin pa Metro Manila apang wala niya nakilala kun sin-o ang supplier.
