Natumod na sang Iloilo City Bureau of Fire Protection (BFP) ang pila ka fire prone areas sa Iloilo City.
Sa interview sang Bombo Radyo kay Senior Fire Officer 1 Denmark Macoco, Acting Chief sang Intelligence and Investigation Unit sang Iloilo City Bureau of Fire Protection, iya ginpahayag nga may yara sang 165 ka mga barangay sa syudad ang na-identify nga fire prone areas.
Suno kay Macoco, sa 165 ka mga lugar, may tagsa ini ka klasipikasyon kaangay sang red zone kag orange zone.
Gin-athag man sini nga ang red zone amo ang may high risk sa sunog ukon mas mabudlay nga sudlon sang bombero.
Samtang, ang orange zone naman ang may minimal nga risgo ukon yara sa medium risk.
Ginpahayag man sang natungdan nga laban sa red zone ang narekord sa City Proper, sa Distrito sang Molo, kag ginasundan sang La Paz.
Una na nga nagpahayag ang Bureau of Fire Protection Region 6 (BFP-6) nga magpahamtang sang fire hydrants sa fire prone areas sa pila ka lugar sa rehiyon.
