Naglab-ot sa 93% ukon 168 sa 180 ka mga Barangay sa siudad sang Iloilo ang wala nakapasa sang ila tagsa ka 2026 Annual Budget.
Sa privilege speech ni Committee Chairman on Appropriations-Councilor Rex Marcus Sarabia, iya ginpahayag nga magluwas subong nga 2026, may ara man sang 33 ka mga barangay sa siudad ang wala nakapasa sang ila annual budget sa mga nagligad nga tuig.
Suno pa kay Sarabia, matawag ini nga isa ka widespread budgetary crisis bangud indi lang ini nagakatabo sa mga Barangay Officials kundi amo man sa mga Sangguniang Kabataan (SK) Councils.
Pahayag niya nga yara lang sa duha ka mga barangay ang nakapasa sang ila annual budget humalin sa mga SK officials.
Suno pa sa iya, ini amo ang nagapahayag nga kun wala sang annual budget, wala man sang mga programa, proyekto, Capital outlay, Salary increase kag Social Services sa Barangay.
Ini man ang rason nga nagpasar sang resolution si Sarabia nga nagapanawagan sang Investigation in aid of Legislation sa tanan nga Barangay kag Sangguniang Kabataan Council sa siyudad sang Iloilo agud makahatag ang mga ini sang ila mga paathag.
