Madamo sang factors kun ngaa naga-suicide ang isa ka tawo .
Ini ang pahayag ni Dr. Bea Natalaray, Mental health program coordinator sang Department of Health Region 6.
Sa interview sang Bombo Radyo kay Dr. Natalaray, iya ginpahayag nga madamo sang pwede nga ikonsidera kun ngaa nagahikog ang tawo lakip na diri ang Genetic factors, Environmental factors, Behavioural factors kag Adverse experiences.
Suno sa iya, 17 tubtob 30 anyos ang edad nga may madamo nga kaso sang suicide sa diin kadam-an sa rason amo ang depression.
Normal lamang pahayag ni Natalaray nga makabatyag sang anxiety, kasubo kag stress ang tawo subong nga may pandemya.
Sa module nga ginatudlo sang iban nga amo ang rason sang paghikog sang pila ka mga kabataan, dapat nga ikonsidera ang iban nga mga factors ukon ang ginatawag nga multifactorial.
Agud nga makabulig, may yara sang mental health advocacy ang Department of Health sa diin pinaagi sa facebook page nga Mental Health Western Visayas, may yara sang mga tikang agud nga maatipan sang maayo ang mental health.
