Patay ang 17 ka mga indibidwal, kag madamo pa ang nasamaran sa nagluntad nga sunog sa Hyderabad City, southern India.
Gindala sa ospital ang mga biktima nga nasamaran sa sunog nga natabo malapit sa Charminar, isa ka kilala kag makasaysayan nga monumento sa syudad.
Suno kay Federal Minister kag Bharatiya Janata Party leader G Kishan Reddy, ginapatihan nga naghalin ang kalayo sa short circuit base sa inisyal nga imbestigasyon.
Ginpahayag man nga may 21 ka tawo nga yara sa sulod sang tatlo ka palapag nga building sang nagsugod ang sunog kun sa diin naglab-ot pa sa kapin isa ka oras antes natapna sang mga bombero ang kalayo.
Sa karun, padayon pa ang imbestigasyon sang mga otoridad sa insidente.
