Isa ka 17-anyos nga dalagita nga TikTok star sa Pakistan ang ginluthang-patay sa iya nga balay sa Islamabad, Pakistan.
Ginatudlo nga suspek amo ang lalaki nga madugay na nga nagatuyo nga makig-angot sa iya online.
Natabo ang krimen pila ka adlaw lang matapos ini nga nagselebrar sang iya birthday.
May masobra isa ka milyon nga followers sa iya nga social media accounts si Yousaf, kalakip na ang 800,000 nga followers sa TikTok.
Natigayon nga madakpan ang suspek nga 22-anyos.
Ginpahayag nga masami makit-an ang lalaki nga nagalibot sa balay sang biktima.
Suno sa Human Rights Commission sa Pakistan, ordinary na ang mga kalakasan sa kababainhan sa amo nga pungsod kalakip na ang pag-atake sa mga babaye nga nagapamalibad sa tanyag nga kasal.
Sang 2021, isa ka babaye ang gin-utdan sang liog sang iya nga nobyo matapos niya nga namalibad sa kasal.
