Naglab-ot sa 17 ka mga area sa Iloilo City ang ginbaha kasunod sang epekto sang habagat ukon Southwest Monsoon.
Sa interview sang Bombo Radyo kay Yvonnie Alban, residente sang Brgy. Santo Niño Sur, Arevalo, iya ginpahayag nga lima na ka adlaw nga wala sila sang maayo nga tulog bangud man sa pagbantay sa palibot kag pagpamahog nga dala sang mabaskog nga dapya sang balod kag hangin.
Suno kay Alban, apisar sang pagpanghangkat sang tyempo, nagapsalamat ini bangud yara sa gihapon nga nakatindog ang ila nga puluy-an.
Ginpahayag man sini nga hagdan lamang sang ila balay ang naguba sang habagat, rason man nga nagdesisyon na lang sila anay nga magapabilin sa ila puluy-an.
Nahibaluan nga nakarekord ang Iloilo City Disaster Risk Reduction Management Office (CDRRMO) sang 86 ka mga naguba nga balay sa syudad sang Iloilo sa kasagsagan sang bagyong Ferdie subong man sang epekto sang hanging habagat.
Sa kabug-usan nga 86 ka mga naguba nga balay, apat diri ang totally damaged samtang 82 naman ang partially damaged.
