Nagdangat sa 15 ka mga balay ang partially damaged kag duha ang totally damaged kasunod sang pag-igo sang buhawi sa Barangay Talibong, Zarraga, Iloilo.
Sa interview sang Bombo Radyo kay Architect Alberto Gimay, pinuno sang Municipal Disaster Risk Reduction and Management Office (MDRRMO) sa Zarraga, Iloilo, iya ginpahayag nga lunsay human sa light materials ang nagkalaguba nga balay.
Suno kay Gimay, ang mga apektado nga pamilya ang nagpuyo anay sa ila mga kasilingan nga ila man mga paryente.
Pahayag niya, nagpasalig naman sang bulig ang local government unit sang Zarraga, Iloilo sa mga apektado nga pamilya.
Wala man sang may narekord nga casualties sa insidente.
