Nagdangat sa 17 ka mga indibidwal ang napatay matapos magbunggoanay ang isa ka truck kag minibus sa Seke Road malapit sa Chitungwiza, Zimbabwe.
Sa nasambit nga numero, 15 diri ang gindeklarar nga dead on the spot kag duha ang ginbawian sang kabuhi samtang ginabulong sa ospital.
Sandig sa imbestigasyon sang mga otoridad, nadulaan sang kontrol ang driver sang truck rason nga naglapaw ini sa pihak nga linya kag bumunggo sa nakasugata nga mini bus.
Bagud sini, ginhingyo ni Chitungwiza Mayor Rosaria Mangoma ang gobyerno nga ideklarar ang natabo bilang national disaster kag gintumod nga isa ini sa pinakamalala nga aksidente sa dalanon nga na-record sa ila nga lugar.
