Gin-imbitar ni Senate President Pro Tempore Panfilo Lacson ang 17 ka mga kongresista sa masunod nga hearing sang Senate Blue Ribbon Committee kaangot sa flood control corruption scandal.
Ginpahayag ini ni Lacson matapos naeleher liwat bilang chairman sang amo nga committee.
Pahayag sini, ini nga 17 amo ang ginpanglawag sang kontraktor nga sanday Curlee kag Sarah Discaya sa ila nga affidavit.
Kun balikan, ang gin-mensyonar sang mag-asawa nga Discaya sa ikatatlo nga hearing sa committee amo sanday:
Rep. Roman Romulo of Pasig
Rep. Jojo Ang of Uswag Ilonggo party-list
Rep. Patrick Michael Vargas of Quezon City
Rep. Juan Carlos “Arjo” Atayde of Quezon City
Rep. Nicanor Briones of AGAP party-list
Rep. Marcy Teodoro of Marikina
Rep. Florida Robes of San Jose del Monte, Bulacan
Rep. Eleandro Jesus Madrona of Romblon
Rep. Benjamin Agarao Jr.
Rep. Florencio Noel of An-waray party-list
Rep. Reynante Arrogancia of Quezon
Rep. Marvin Rillo of Quezon City
Rep. Leody Tarriela of Occidental Mindoro
Rep. Teodoro Haresco of Aklan
Rep. Antonieta Eudela of Zamboanga Sibugay
Rep Dean Asistio of Caloocan
Rep. Marivic Co-Pilar of Quezon City
Imbitado man sanday former speaker Leyte Rep. Martin Romualdez, resigned Ako Bicol party-list congressman Zaldy Co kag Benguet Rep. Eric Yap nga lunsay gin-implicate sang former Marine and security consultant nga si Orly Guteza.
Bangud yara sa luwas sang pungsod si Co, magatambong ini sa hearing paagi sa Zoom sa Philippine embassy ukon sa consulate.
Patigayunon ang hearing sa Byernes, Nobyembre 14.
