Ginkumpirma ni President Ferdinand Marcos Jr. nga hilway sa katalagman ang 17 Filipino seafarers nga ginbihag sang Houthis sa Yemen.
Ini apisar sang bag-o lang natabo nga Israeli attack sa port sang Hodeidah sa amo nga pungsod.
Suno sa presidente, sandig sa report sang embahada sa Riyadh, ginpahibalo naman ang mga himata sini nga mga Pinoy nga wala sila ginakalimtan sang gobyerno kag ginaproseso sa gihapon agud nga mapapauli na sila sa Pilipinas.
Madumduman nga sang Hulyo 20 sang gin-igu sang Israeli fighter jets ang Houthi military targets malapit sa Hodeidah port kun sa diin tatlo ka mga tawo ang patay kag 87 ang napilasan.
Balos ini sang Israel matapos nga nagpalupad man sang drone ang Houthis nga nag-igu sa Israeli economic hub nga Tel Aviv.
Ginpahayag man sang Israel nga ang port nga ila gin-target amo ang ginagamit sang Houthis nga palaagyan sang weapons shipments halin sa Iran.
