17 ka police personnel sang isa ka police station sa Iloilo, ginkasuhan matapos ang NPA attack

ILOILO CITY–Ginpasakaan sang kaso nga administratibo ang 17 ka mga police personnel sang Maasin Municipal Police Station.
Ini matapos nga napaslawan sila sa ila katungdanan nga protektahan ang pumuluyo sang ginsalakay sang mga katapo sang New Peoples Army (NPA) ang nasambit nga police station sadtung Hunyo 18, 2017.
Sa interview sang Bombo Radyo kay P/Supt Joem Malong, taghambal sang Police  Regional Office (PRO) 6, iya ginpahayag nga gin-suspend kag ginpangdemote ang mga pulis nga naka-asssign sa nasambit nga police station nga naka duty sang ginsulong sila sang mga rebelde.
Ginapasiguro man ni Malong nga may yara sang nagakaigo nga pamatbat sa mga katapo sang pulis sa tion nga indi mahimu ang mga katungdanan.