Patay ang 17 ka tawo kag masobra 10 naman ang pilason sang gin-igo sang kilat ang wedding party nga ginahiwat sa isa ka sakayang pandagat sa northwestern Bangladesh.
Suno sa police official nga si Farid Hossain, padulong na kuntani sa balay sang bride ang mga tawo sang gilayon nga nagkilat.
Nahibaluan nga kada tuig, may yara sang ginatos ka tawo sa Bangladesh ang nagakalamatay bangud sang pagpangilat.
Tuig 2016, 200 ka tawo ang napatay sa sulod lang sang bulan sang Mayo.
Pahayag naman sang mga eksperto, ang lightnigh deaths ang masami nagakatabo kada bulan sang Marso tubtob Hulyo nga amo ang ginakabig nga warm months.
Base sa mga eksperto, ang pagtaas sang numero sang mga patay tuga sang pagpangilat ang may kaangtanan sa deforestation sa diin wala na sang mga matag-as nga puno sang kahoy sa palibot.
