ILOILO CITY – Napuhag ang mga estudyante sang Pavia National High School sa banwa sang Pavia, Iloilo matapos masunog ang isa sa mga building sang buluthuan sini nga aga.
Ginpahayag sa Bombo Radyo Iloilo ni Rodelyn Delfin, isa sa mga manunudlo sa buluthuan, nasunog ang Gorriceta building sang Pavia National High School.
Nagsugod ang kalayo sa stock room nga yara sa likod sang building kag may isa man ka drum sang gas.
Tuman ka damol sang aso suno kay Delfin kag mabaho bangud sang nagkalasunog nga goma.
Naospital ang 14 ka mga estudyante, duha ka helper kag mangin si Delfin, matapos ma-suffocate sa aso.
Suno sa manunudlo, nalipong ang mga estudyante sang makahaklo sang sunog.
Padayon nga ginahibalo sang Bureau of Fire Protection ang ginhalinan sang kalayo apang posible suno kay Delfin nga nagpanigarilyo sa kilid sang bodega sang buluthuan.