Natigayon na nga mabaton sang 1,721 ka mga barangay sa probinsya sang Iloilo ang ceremonial cheque nga nagabalor sang P200,000 sa idalom sang ‘Bawat Barangay Makikinabang’ Program sang national government.
Ini kasunod sang Liga Day 2026 sa Iloilo Sports Complex, kahapon nga adlaw, Hulyo 19.
Suno kay Liga ng mga Barangay Iloilo Provincial President Amalia Debuque, ceremonial turnover pa lamang ini kag wala pa marelease ang aktuwal nga pondo.
Mahimo lamang ini ma-avail sang mga barangay pagkatapos makompleto ang tanan nga kinahanglanon nga dokumento.
Ang P200,000 nga ayuda pagatungaon sa scholarship sang lima ka incoming fourth-year students, pagpatuman sang mga prayoridad nga proyekto, kag pagbakal sang mga kagamitan para sa barangay.
