ILOILO CITY – 177 ka panibag-o nga kaso ang nagdugang sa listahan sang kumpirmado nga kaso sang Coronavirus Disease 2019 (COVID-19) kun sa diin naglab-ot na sa 2,307 ang kabug-usan nga numero.
As of August 11, 582 sa 766 ka laboratory results ang nagnegatibo kun sa diin 184 ang nagpositibo apang 178 lang ang makabig nga new cases kag isa diri ang nalakip sa kategorya nga Tagged to other regions.
Nagsaka naman sa 1,071 ang numero sang mga naka-recover matapos nga 36 ang nagdugang samtang nagsaka sa 33 ang numero sang ginbawi-an sang kabuhi matapos nga isa ang nagdugang sa listahan.
Ang pasyente nga napatay amo si Patient no. 1,257 – 29 anyos nga lalaki sang Bacolod City.
Sa subong, ang Aklan ang may 8 ka COVID-19 cases, Antique nga may 17, Capiz nga may 10, Guimaras nga may 8, Iloilo Province nga may 178, Negros Occidental nga may 10, Bacolod City nga may 210, Iloilo City nga may 376, ROFs, LSIs kag APORs nga may 1,404 kag 32 naman sa Tagged to other regions.
