CALINOG, ILOILO – Nagabitay na kag wala na sang kabuhi ang grade 10 student matapos naghikog sa Brgy. Datagan, Calinog, Iloilo.
Ang biktima ang ginkilala nga si alyas Nene, 18, sang nasambit nga barangay.
Sa interview sang Bombo Radyo kay Police Staff Sergeant Jerson Pulmones, imbestigador sang Calinog Municipal Police Station, iya ginpahayag nga problema sa pamilya ang rason sang paghikog sang biktima.
Suno kay Pulmones, nagtawag si alyas Nene sa iya ginikanan nga kun mahimo sila nga makakadto sa eskwelahan bangud nga wala siya nakapasar sa isa ka subject.
Ginpahayag ni Pulmones nga wala nakakadto sa eskwelahan ang mga ginikanan ni alyas Nene rason nga nagsunggod biktima.
Nagpanugid naman sa iya pakaisa suno kay Pulmones ang biktima tuhoy sa iya problema kag ang kakulang sang suporta sang iya ginikanan.
Ginapahayag nga makapila naman ka beses sadto nga nagtuyo sa paghikog si alyas Nene.
