ILOILO CITY – Arestado ang isa ka 18 anyos nga Grade 10 student sa ginpatigayon nga drug buy-bust operation sa Barangay Buyuan, Tigbauan.
Ang durugista amo si John Paul Teje, residente sang Barangay Poblacion 2 sang amo nga banwa.
Nakuha kay Teje ang tatlo ka grams sang shabu nga may standard drug price nga P20,400.
Sa interview sang Bombo Radyo kay Police Captain Mary Jane Panes, hepe sang Tigbauan Municipal Police Station, iya ginpahayag nga nagaserbe nga runner ang subject sang isa pa ka drug personality sa banwa.
Dugang pa ni Panes, gin-ako man sang subject nga nagagamit kag nagaduso ini sang iligal nga droga.
Ginapahayag nga sa syudad sang Iloilo ginakuha sang subject ang droga.
Sa subong, preso na sa Tigbauan Municipal Police Station ang subject kag natalana nga pasakaan sang kaso bwas nga adlaw.
