ILOILO CITY – Dakop sa buy bust operation ang senior high school student sang isa ka unibersidad sa syudad sang Iloilo bangud sa pagbaligya sang marijuana.
Sa interview sang Bombo Radyo kay Police Colonel Jonathan Pablito, hepe sang Iloilo City Police Station 1,iya ginpahayag nga may nagpalab-ot sang impormasyon sa ila nga nagabaligya sang marijuana si Rhys Kazunori Barretto, 18 anyos, residente sang Villa, Arevalo, Iloilo City apang naga-board ini sa Rizal, Pala-Pala II.
Suno kay Pablito, na kumpirma sang mga otoridad nga nagabaligya si Barretto sang marijuana pinaagi sa pagbakal sang poseur buyer sa diin P600 ang buy bust money.
Dugang pa sang hepe, preso na si Barretto sa Police Station 1.
