ILOILO – Dakop ang isa ka durugista bangud sa paghupot sang iligal nga droga sa Brgy. Merced Banate, Iloilo
Ang arestado amo si Mike Daniel Cabardo, 18, tumandok sang Brgy. Kasing Kasing Molo, Iloilo City.
Sa interview sang Bombo Radyo kay Pol. Lt. Randy Lambungan, hepe sang Banate Municipal Police Station, iya ginpahayag nga gin-aresto ang lalaki bangud sa paglapas sang curfew hours bangud nagatindog pa ini sa gwa sang KTV bar apisar lampas na 10:00 sa kagab-ihon.
Sang ginkapkapan sang kapulisan, nakuha ang 4 ka sachet sang suspected shabu nga ginabanta nagabalor P2,500 kag isa man ka sachet sang suspected marijuana.
Suno sa hepe, posible nagapadulong lang sa banwa sang banate ang suspek para sa iya nga mga transaksyon.
