Pareho ang desisyon sang 18 tanan ka elected judges sa International Criminal Court (ICC) nga ibasura ang apelar ni anay Presidente Rodrigo Duterte nga i-disqualify ang duha ka mga hukom nga in-charge sa hearing sang iya kaso.
Sandig sa 13 ka pahina nga ruling nga napetsahan sang Hulyo 3, ginsiling sang korte nga ang desisyon sa disqualification plea ang nalab-ot sang plenary of judges nga ginabug-usan sang 18 ka mga indibidwal nga gin-eleher sang Assembly of States Parties.
Ang ICC judges amo ang mga respetado nga mga abogado halin sa nagkalain-lain nga mga pungsod nga gin-eleher sa siyam ka tuig nga termino. Pananglitan mapamatud-an nga indi sila patas sa ila nga desisyon, kakason sila sa korte.
Apang sa petisyon ni Duterte nga i-disqualify ang duha ka mga judge, nagsabat ang mga hukom nga wala sang basehan nga akusaran nga biased ukon indi patas sanday Judge Reine Adelaide Sophie Alapini-Gansou sang Benin kag Judge Socorro Flores y Liera sang Mexico.
Suno sa ruling, ang duha ka nasambit nga judges ang nag-akto santo sa ila nga judicial duties sa idalom sang Rome Statute.
“The plenary of judges considers that the judges acted, at all times, in accordance with the judicial duties assigned to them under the [Rome] Statute,” kabahin sang ruling.
Dugang sini: “As judges of Pre-trial Chamber I, they issued the Authorisation Decision pursuant to article 15(4) of the Statute, which provides for the power of a pre-trial chamber to authorise an investigation proprio motu, if it considers that there is a reasonable basis to proceed with an investigation and that the case appears to fall within the jurisdiction of the Court.”
“The judges considered that the proposition of the applicant is incorrect and legally untenable, and has the potential to cause delay,” base pa sa dokumento.
Matandaan nga naghingyo ang kampo ni Duterte nga i-disqualify ang duha ka mga judge sa paghatag sang desisyon sa isyu sang hurisdiksyon, bangud suno sa former president, mas masigurado sini ang autonomy sang judges amo man ang efficient conduct sang proceedings.
Nahibaluan nga naka-detain gihapon si Duterte sa The Hague, Netherlands. Natalana naman ang confirmation of charges sa September 23, 2025.#
