ILOILO CITY – 18 ka mga outstanding high school kag college students sa Iloilo ang natalana nga makabaton sang Top Outstanding Students of Iloilo Awards.
Sa Good Morning Philippines program, ginpahayag ni Blessed Bea Plondaya, Chairperson sang Executive Committee sang JCI Regatta, nga ang awarding ceremony ang patigayunon sa Marso 15 sa Robinson’s Place Iloilo.
Suno kay Plondaya, apat ka college samtang 14 naman ka high school students ang makabaton sang medal, certificate kag token halin sa sponsors.
Ginpahayag ni Plondaya nga masobra sa 50 ang nag-apply kag nagpasa sang bid books para sa Top Outstanding Students of Iloilo Awards apang 18 lamang ang nakapasar matapos ang maid-id nga screening.
Ang ginapili nga mangin awardee amo ang may yara sang achievements sa patag sang academics, leadership, community involvement kag faith.
Nahibalu-an nga ang Top Outstanding Students of Iloilo Awards ang flagship project sang JCI Regatta.
