Naglab-ot na sa 18 ang patay kag 24 naman ang padayon pa nga ginapangita sa naglugdang nga RORO Vessel sa Pilas Island Basilan kaina sang kaagahon .
Ginpahayag ni Basilan Governor Mujiv Hataman nga 317 na ka tawo ang naluwas sang mga awtoridad.
Suno sa mga pasehero nga nakaluwas, kalmado ang dagat sang natabu ang insidente.
Samtang, ginpanginwala naman ni Commander Romel Duwa sang Coast Guard nga overloaded ang barko nga M/V Trisha Kerstin 3.
Kadam-an sa mga nakaluwas ang gindala sa Zamboanga kag ang iban naman sa Basilan.
Suno kay Mayor Arsina Kahing-Nanoh sang Pilas Island naglab-ot sa 342 ka mga pasahero ang nakalist sa M/V Trisha Kerstin 3 nga pakadto kuntani sa Jolo, Sulu.
Ginapanag-iyahan sang Aleson Shipping Lines Inc., ang barko kag gilayon naman nga nagpadala sang barko sa lugar sang natabo ang insidente.
Suno sa PCG, wala sang oil spill nga nagluntad kag possible nga epekto sang Amihan ukon Northeast Monsoon sa kadagatan ang rason sang insidente.
