Patay ang 18 ka mga tawo sa panibag-o nga stampede sa India nga maangot sa gihapon sa bantog nga Hindu Maha Kumbh festival.
Sa mga napatay, lima ang kabataan, kun sa diin pito ka tuig ang pinakabata. 79-anyos naman ang pinakatigulang.
Kadam-an sa mga tawo sa railway station sa New Delhi kun sa diin natabo ang insidente amo ang mga tumuluo nga magakadto kuntani sa religious festival sa Prayagraj city.
Sang nagligad nga bulan, indi man magnubo sa 30 ka mga tawo ang napatay sang nag-dis-uganay man ang mga deboto sa holy confluence sang Ganges, Yamuna kag mythical Saraswati rivers.
Anum ka semana ini nga kapistahan, ginahiwat lamang sa kada 12 ka tuig, kag may maragtas na sang mga insidente sang stampede kaangay sang 1954 kun sa diin masobra 400 ang napatay bangud na-dis-ugan kag nalumos.
Sang 2013, sa amo man nga kahiwatan, 36 man ka mga tawo ang napatay.
Ini nga kapistahan amo ang pinakadaku nga pagtilipon sa Hindu religious calendar. Ginabanta sang mga opisyal nga 500 million na ka mga deboto ang nakabisita kag nakaupod sa kahiwatan halin sang nag-umpisa ini sang Enero.
