Antes matapos ang Septyembre, aprubahan sang Kamara ang duha ka nabilin nga priority bills sang Legislative Executive Development Advisory Council (LEDAC).

Suno kay House Speaker Ferdinand Martin Romualdez, gin-presentar niya ang report kay President Ferdinand “Bongbong” Marcos, Jr. kadungan sang LEDAC meeting sa Malacañang kun sa diin 18 sa 20 ka mga hagna ang naaprubahan sang Kamara.

Ang duha nga nabilin amo ang House Bill No. 8969 ukon ang ginaduso nga Military and Uniformed Personnel Pension System Act kag ang consolidated version sang ginaduso nga Anti-Agricultural Smuggling Act.

Martes sang ginpasar sa second reading ang Military and Uniformed Personnel Pension System Act.

Sa bahin naman sang proposed Anti-Agricultural Smuggling Act, una na nga nag-approve ang House Committee on Agriculture and Food sang substitute bill nga amo natalana nga diskusyunan sa plenaryo para sa second reading sa masunod nga semana.

Yari suno kay Romualdez ang 18 ka priority bills nga una nga gin-aprubahan sang Kamara sa third and final reading:

* Amendment to the Build-Operate-Transfer (BOT)/Public-Private Partnership (PPP) Act

* National Disease Prevention Management Authority or Center for Disease Control and Prevention

* Internet Transaction Act/ E-Commerce Law

* Health Emergency Auxiliary Reinforcement Team (HEART) Act

* Virology Institute of the Philippines

* Instituting a National Citizens Service Training (NCST) Program

* Valuation Reform Bill (Package 3)

* E-Governance Act/ E-Government Act

* Ease of Paying Taxes

* Waste-to-Energy Bill

* New Philippine Passport Act

* Magna Carta of Seafarers

* Rightsizing the National Government

* Anti-Financial Account Scamming Act (AFASA)

* Amendment to the Bank Secrecy Law

Ang ginaduso nga Philippine Salt Industry Development Act ang gina-istoryahan sa bicameral conference committee; ang Trabaho Para sa Bayan (National Employment Recovery Strategy) ang napadala na sa Malacañang para sa pirma sang presidente; samtang ang Automatic Income Classification Act for Local Government Units ang ginahanda naman para sa mapadala sa Malacañang. #