ILOILO CITY – Naglab-ot sa 166 ka panibag-o nga COVID-19 cases ang na record sa Western Visayas.
As of October 25, nagsaka na sa 15,760 ang kabug-usan nga kaso kun sa diin 3,095 ang active cases.
Nadugangan man sang 180 ang recoveries rason nga nagsaka sa 12,296 ang kabug-usan nga numero samtang nagsaka man sa 369 ang total deaths matapos nga anum ang nagdugang.
Sa 166 ka panibag-o nga kaso, 61 ang gikan sa Iloilo City, 40 sa Negros Occidental, 23 sa Iloilo, 21 sa Bacolod City kag 18 sa Capiz.
Sa subong, ang Aklan ang may 146 ka COVID-19 cases, Antique nga may 70, Capiz nga may 748, Guimaras nga may 166, Iloilo nga may 1,824, Negros Occidental nga may 4,236, Bacolod City nga may 4,728 kag Iloilo City nga may 3,842.
