Nagsaka sa 188 ang kaso sang firecracker-related injuries nga nabalhag sang Department of Health (DOH).
Suno kay Department of Health spokesperson Assistant Secretary Albert Domingo, ang kaso subong nga tuig ang mas mataas kon ikumpara sa 124 cases nga na-report sa kapareho nga period sang 2023.
As of 6 o’clock this morning, Disyembre 31, na-monitor sang ahensya ang 188 cases of fireworks-related injuries. Ini ang mas mataas sang 52% kon ipaangid sang 2023.
Suno kay Domingo, kalabanan sa kabugh-usan sang kaso ang bangud sa boga—an improvised cannon nga himo sa PVC pipes kag ginagamitan sang denatured alcohol—ginasunda ini sang five star, kag piccolo.
Lakip naman ang eye injury, burnt skin ukon severed body parts ang masami nga complaints sang firecracker victims nga na-record sang DOH.
Ginpahayag man sini nga ang mga biktima ang halos naga-edad lima tubtob 19-anyos, kon sa diin ang na-report ang naghalin sa Metro Manila, Central Luzon, Western Visayas, Ilocos Region, kag Central Visayas.
Ginalauman sang DOH nga magasaka pa ang numero sang firecracker-related injuries sa tion mismo sang pagsug-alaw sang New Year.
Sang nagligad tuig, yara sa 140 ka kaso ang na-report sa tion lang sang midnight celebration.
Agud respondehan ang influx sang emergency patients sa tion sang New Year celebration, ginpasalig ni Domingo nga ang DOH hospitals kag regional offices ang yara sa Code White Alert tubtob Enero 6.
