Nagsaka na sa 19 ka mga tawo ang na-report nga napatay bangud sang epekto sang mga Bagyo Mirasol, Nando, kag Opong kag resulta man sang Habagat.
Santo sa latest nga report nga National Disaster Risk Reduction and Management Council (NDRRMC), 15 pa diri ang subject sa validation samtang apat ang kumpirmado.
Sa pihak nga bahin, 18 ang na-report nga nasamaran kun sa diin 14 ang kumpirmado. Pahayag pa sang council, 14 ang nagapabilin nga missing.
Lab-ot naman sa masobra 2.02-million individuals ukon masobra 520,000 families ang apektado sa 15 regions, 57 provinces, 504 cities/municipalities, kag 4,219 barangays.
Sa bahin sang agrikultura, nagdangat sa masobra sa P914.86-million ang naisip nga balor sang halit sa masobra 78,000 metriko tonelada nga pierde sa produksyon.
Sa imprastraktura naman, nagadangat sa masobra P822-million ang damage partikular sa Region 1, Region 2, CAR, CALABARZON, MIMAROPA, Region 6, kag Region 7.#
