OTON, ILOILO – Naglab-ot sa 19,800 cc ukon 20 ka litro sang dugo ang natipon sa Dugong Bombo 2020 nga ginpatigayon sa Oton, Iloilo.
Sa interview sang Bombo Radyo kay Girly Marie Anas, nurse sang Philippine Red Cross, iya ginpahayag nga 44 ka successful blood donors ang natigayon nga makuhaan sang dugo.
Suno kay Anas, istrikto ang ginpatigayon nga screening agud masigurado nga ang mga nagadonar sang dugo ang wala sang sintomas sang COVID-19.
Ginpahayag ni Anas nga may yara sang questionnaire nga ginahatag sa blood donors kasubong sang Locally Stranded Individuals kag Returning Overseas Filipinos apang kinahanglan nga may yara sila sang negative nga RT-PCR test result.
Para sa Locally Stranded Individual, kinahanglan nga indi magnubo sa 1 ka bulan nga sila ang nakapauli samtang 6 ka bulan naman para sa Returning Overseas Filipinos.
