ILOILO CITY – Naglab-ot sa 199 ka panibag-o nga kaso ang nagdugang sa listahan sang COVID-19 cases sa bug-os nga Western Visayas.
As of September 29 nga case bulletin sang Department of Health Region 6, nagsaka sa 11,413 ang total COVID-19 cases kun sa diin 4,161 ang active cases.
Nadugangan man sang 142 ang numero sang mga pasyente nga nag-ayo kun sa diin 7,009 na ang total recoveries samtang nagsaka naman sa 243 ang numero sang ginbawi-an sang kabuhi matapos nga duha ang nagdugang sa listahan.
Ini matapos nga sa 2,134 ka laboratory results nga ginpaguwa, 199 ang new cases, 12 ang nagpositibo sa repeat test samtang 1,923 ang negatibo.
Sa 199 ka COVID-19 cases, 8 ang gikan sa Aklan, 9 sa Capiz, 12 sa Guimaras, 14 sa Iloilo, 41 sa Negros Occidental, 22 sa Bacolod City kag 93 sa Iloilo City.
Bangud sini, 93 na ang COVID-19 cases sa Aklan, 40 sa Antique, 348 sa Capiz, 89 sa Guimaras, 826 sa Iloilo Province, 2,099 sa Negros Occidental, 3,712 sa Bacolod City, 2,264 sa Iloilo City, 1,942 sa ROFs/LSIs kag APORs samtang 43 sa Tagged to other regions.
