ILOILO CITY- Pormal na nga ginbuksan subong nga hapon ang 100-day countdown para sa Iloilo Dinagyang 2020.
Sa interview sang Bombo Radyo kay Mr. Eric Divinagracia, Chairman sang Artistic Committee sang Iloilo Festivals Foundation Incorporated, iya ginpahayag nga sa pag-umpisa sang countdown, ipakita sa mga Ilonngo kun ano ang pagalauman sa palaabuton nga Dinagyang Festival sa Enero 18 tubtub 26, 2020.
Suno kay Divinagracia, pagabalikan man ang matuod nga tinutuyo sang selebrasyon sang Dinagyang paagi sa pag-abot sa syudad sang Iloilo ang imahe ni Sr. Sto Niño.
Ang Dinagyang 360 degrees suno kay Divinagracia ang magahatag sang kahigayunan sa tanan nga makita ang performace sang walo ka mga tribu nga magapasakop bangud limitado na lang ang risers nga pagagamiton.
Ang malahalon naman suno kay Divinagracia amo nga mapakita ang Ilonggo spirit sa Dinagyang Festival.
Gin-agda man sang natungdan ang tanan nga magtambong kag magdagyang agud mas mangin masadya kag madinuagun ang pagsaulog sang Dinagyang 2020. .
