ILOILO CITY–Nagpangayo sang pasaylo si 1st District Cong. Richard Garin sa Philippine National Police (PNP) matapos ang iya pagsakit kag pagdupla kay PO3 Federico Macaya Jr., imbestigador sang Guimbal Municipal Police Station.
Sa masobra 3 ka minutos nga mensahe ni Garin, iya ginpatpat kun nga-a iya nasakit si Macaya bangud lamang sang natabo nga kinagamo sa tunga sang isa ka SK Kagawad kag anak ni SB Member Gil Gegato.
Suno kay Garin, tampad ang iya nga pagpangayo sang pasaylo sa PNP apang may yara man siya sang kinamatarong nga magpangakig sa Guimbal PNP nga naghimu sang “disservice” sa publiko.
Ini bangud nga suno kay Garin, indi mahimo nga pabay-an lang sang Guimbal PNP ang bata sang SB Member nga nakasakit sang isig ka pareho.
Sa pagkamatuod suno kay Garin, may pending murder case pa ang bata sang SM Member nga sadto naga-edad pa lang sang 15 anyos.
Ang pagsingki sang mamalidha ang tuga lamang sang iya pagbatyag sang extreme frustration bangud sa kapabayaan sang Guimbal PNP.