Sa labing-una nga tion sa maragtas, nabaton na sang Philippine Navy (PN) ang ginbakal nga surface-to-air missiles(SAMs) nga amo ang ginapatihan sang militar nga makabulig agud madepensahan ang teritoryo sang pungsod.
Ang amo nga surface-to-air missiles ang na-deliver na sa Subic Bay International Airport.
Suno kay Navy Spokesperson Cdr. Benjo Negranza, ang procurement kag delivery sang Mistral SAMs ang kabahin sang Philippine Navy Frigate Acquisition Project nga gin-award sang MBDA Missile Systems nga naka-base sa pungsod France.
Ang Surface-to-air missiles amo ang mangin primary weapons sang FF150 (BRP Jose Rizal) kag FF151 (BRP Antonio Luna) agud nga mapabaskog pa ang ila nga anti-air warfare capability.
Suno sa Navy, daku ini nga bulig sa frigate ilabi na sa pagpatigayon sang maritime operations.
