Ginkumpirma ni Arcy James Gonzales, Branch Manager sang Asia United Bank (AUB) Davao Toril Branch, nga may duwa ka aktibo mga bank accounts nga naka-link kay Atty. Mans Carpio, bana ni Vice President Sara Duterte.
Sa direct examination ni private prosecutor James Bryan Alih, ginpamangkot sini si Gonzales kun pila ka accounts may yara ang Vice President ukon ang bana sini sa amo nga branch.
Suno sa testigo, apat ang kabilugan nga account, apang duwa na lamang ang aktibo samtang ang iban ang na-close na.
Dugang niya, duwa sa mga account ang yara sa pangalan sa bana sang bise presidente nga si Carpio.
Ang testimonya ni Gonzales ang kabahin sang pagplastar sang prosecution sang mga bank records nga may kaangtanan sa mga alegasyon sa impeachment case batok kay Vice President Sara Duterte.
