Naabtan sang isa ka iloy nga wala na sang kabuhi ang iya duha ka kabataan sa sulod sang ila nasunog nga balay sa Barangay Poblacion, Sinacaban, Misamis Occidental.
Suno sa impormasyon, nabilin ang mag-utod sa ila balay apang ginkandaduhan ini sang mga ginikanan antes sila naglakat agud mag-ubra.
Bangud, nakadenahan ang pwertahan, wala nakagwa ang mag-utod sang nag-ibwal ang kalayo tubtob nga ginlamon na ang mga ini.
Suno kay Fire Officer 1 June Beejay Villacorta, Arson Investigator sang Sinacaban Fire Station, nakit-an nga nagakup-anay ang mga -utod nga kaangay nga ginaprotektahan sang magulang ang iya manghod.
Ginahibalo pa ang kabangdanan sang sunog.
