Na-monitor sang Philippine Coast Guard (PCG) ang duha ka mga barko sang People’s Liberation Army Navy (PLA) sang China nga yara sa dagat nga sakop sang Occidental Mindoro.
Suno sa PCG, ini nga Chinese warships ang na-obserbahan 69.31 nautical miles halin sa Cabra Island.
Ginpahayag sang Coast Guard nga nag-radyo ang BRP Teresa Magbanua sa PLA Navy warship 793, apang wala nagsabat ang vessel. Ang nag-respond suno sa PCG amo ang escort sini nga amo ang China Coast Guard 4203 nga amo ang nagpanindugan nga may soberanya ang China sa West Philippine Sea.
Magluwas sa duha ka nasambit nga vessels, may nakit-an man nga PLA Navy warship 164.
“The movements of these vessels have necessitated several radio challenges from the PCG throughout the day, without response from the PLA Navy warships,” suno sa PCG. Pahayag pa sini, “it has been observed that PLA Navy warship 164 is conducting helicopter landing exercises on its flight deck, with continuous activity recorded throughout the morning.”
Matandaan nga Hulyo 12 sang ginselebrar sang Pilipinas ang anibersaryo sang landmark ruling sang Permanent Court of Arbitration sa The Hague nga nagapabor sa Pilipinas sa isyu sa West Philippine Sea kag nagabasura naman sa nine-dash-line claim sang Beijing.#
