Isa ang patay kag isa ang nakaluwas matapos natabunan sang duta ang duha ka empleyado sang Department of Public Works and Highways (DPWH) sa natabo nga landslide sa Sta. Praxedes, Cagayan.
Nagapatigayon sang clearing operation ang tatlo ka tinawo sang DPWH sa national highway nga sakop sang Barangay San Juan sang hinali natiphag ang duta.
Nakadalagan pa ang mga ini apang duha sa ila ang natabunan.
Gilayon nga nagbuligay ang mga rescuers nga pangitaon ang duha kag nasalbar ang isa sa ila.
Apang, sa malain nga palad, napatay gid ang isa.
Nagpadayon naman ang clearing operation sang DPWH sa karsada sa pihak sang natabo nga insidente.
