Ginbasura sang House Committee on Justice ang duha ka impeachment complaints nga gin-file batok kay President Ferdinand “Bongbong” Marcos, Jr. bangud sa insufficiency in substance.

Sa first impeachment complaint nga gin-file ni Atty. Andre de Jesus, nagboto ang mga mamalidha sang 42-1-1 agud ibasura ang reklamo.

Ang ikaduha nga impeachment complaint naman nga gin-file sang Makabayan coalition, ang nakit-an man nga insufficient in substance.

Ini matapos nga ang mosyon nga nagadeklarar sini nga sufficient in substance ang napierde paagi sa pito ka yes, 39 ka no, kag wala sang abstention. 

Ang una nga impeachment complaint ang gin-file ni de Jesus.

Ini nagaakusar sa presidente sang betrayal of public trust and culpable violation of the Constitution bangud sa pagmando pagpahanugot sang pag-kidnap kag pagsurrender kay anay President Rodrigo Duterte sa International Criminal Court (ICC).

Gintumod man ang pagka- drug addict sang presidente nga nagaapekto sa iya trabaho.

Gindugang man ni de Jesus ang kapaslawan ni Marcos nga i-veto ang unprogrammed appropriations kag iban nga unconstitutional provisions sang national budget para sa 2023, 2024, 2025, kag 2026.

Ang ikaduha nga impeachment complaint ang gin-file sang Makabayan.

Ini nag-alegar nga ang Presidente naka-kumiter sang betrayal of public trust bangud sa adoption sang Baselined-Balanced-Managed (BBM) Parametric Formula sa pag-alokar sang infrastructure projects nga gin-alegar nagresulta sa “ghost,” substandard, kag overpriced flood management projects.