Nagmandu si Prime Minister Benjamin Netanyahu nga pasakaon ang security measures para sa Israeli missions kag state representatives sa bilog nga kalibutan.
Ini nga statement ang kasunod sa natabo sa guwa sang Capital Jewish Museum sa Washington, DC, USA kun sa diin ginluthang-patay ang duha ka staffers sang Israeli embassy.
“My heart grieves for the families of the young beloveds, whose lives were cut short in a moment by an abhorrent antisemitic murderer,” suno sa prime minister.
Nagpaguwa man sang pahayag si US President Donald Trump nga nagakondenar sa insidente.
“These horrible D.C. killings, based obviously on antisemitism, must end, NOW! Hatred and Radicalism have no place in the USA. Condolences to the families of the victims. So sad that such things as this can happen!” post sini sa social media.
Sang natabo ang pagpangluthang, may yara sang event nga ginahiwat ang American Jewish Committee.
Ang mga biktima nga sanday Yaron Lischinsky kag Sarah Milgrim ang na-identify nga magkahagugma kag malapit na lang kuntani ma-engage.
Natumod man ang suspek nga amo ang 31-anyos nga si Elias Rodriguez halin sa Chicago. Samtang yara siya sa kustodiya sang pulis, nagasinggitan ini nga hilwayon ang Palestine. Base sa nauna nga mga impormasyon, ginklaro man sini sa pulis nga ginhimo niya ang krimen para sa Gaza. Nakasuhan na siya sang two counts sang first-degree murder kasunod sang krimen.
Natabo ang shooting 18 ka bulan matapos gin-umpisahan sang Israel ang gyera batok sa Hamas militants sa Gaza kasunod man sang pag-atake sa ila sang Hamas sang Oktubre 7, 2023 nga nagbilin sang 1,200 ka mga patay kag ginatos nga na-hostage.
