Lunsay nakaagi preso bangud sa kahilabtanan sa iligal nga droga ang duha sa mga biktima sang pagpang-ambush sa Barangay Aglalana, Passi City, Iloilo.
Sa interview sang Bombo Radyo kay Punong Barangay Wilbur Orada sang Barangay Tanza Esperanza Esperanza, Iloilo City Proper, iya ginpahayag nga nga tatlo ka bulan pa lang ang nakaligad sang nakagwa sa presuhan ang biktima nga si Jennylyn Juliano Griño.
Napreso si Griño matapos nadakpan sa drug buy bust operation.
Ginapahayag nga may gina-upod upod ini nga lalaki nga taga-Capiz kag halin sang nag-guwa ini sa presuhan, sa Roxas City, Capiz na ini nagtinir.
Sa separado naman nga interview sang Bombo Radyo Iloilo, natukiban nga ang isa pa ka biktima nga si Kenneth Dorado sang Bahit, Panit-an, Capiz ang nadakpan man anay sa drug buy bust sa Roxas City.
Suno kay Bahit Panit-an Punong Barangay Maria Analiza Dorado nga tiya man ni Kenneth, naaresto si Kenneth sa syudad sang Roxas sang 2009.
2016, nakaguwa siya sa presuhan.
May kaso man si Kenneth nga frustrated murder.
