ILOILO CITY- Nangin tuman ka makahalawat-hawat ang dalagan sang eleksyon sa San Lorenzo, Guimaras sa tunga sang duha ka kandidato sa pagka-bise alkalde.
Ini matapos nagdaog ang incumbent nga Vice Mayor sa iya kasumpong sa abanse lang nga 2 votes.
Si incumbent Vice Mayor Jun Cordero ang nare-elect sa boto nga 6,935.
Nakakuha naman sang boto nga 6,933 ang iya kasumpong nga si Wilme Denila.
Sa interview sang Bombo Radyo kay Cordero, iya ginpahayag nga dako gid ang pagpasalamat sini sa mga pumuluyo nga nagboto sa iya.
Pahayag niya, pamatuod lang ini kun ano kaimportante ang pagboto bangud ini ang mahimo magbag-o sang kapalaran sang isa ka kandidato.
Nagpasalig naman ang bise-alkalde nga padayunon niya ang mga programa nga iya naumpisahan.
