Nagpositibo sa COVID-19 ang duha ka empleyado sang Iloilo Provincial Capitol.
Sa Interview sang Bombo Radyo kay Iloilo Provincial Administrator Atty. Suzette Mamon, iya ginpahayag nga ang isa ka empleyado ang nagikan sa opisina sang Hospital Management.
Samtang ang isa naman ka empleyado nga nagpositibo man sa COVID-19 ang nagikan sa Office of the Governor.
Suno kay Mamon, may yara man sang empleyado nagikan sa Commission on Audit nga nakabatyag sang sintomas sang COVID-19 kag ginpaidalom na sa reverse transcription polymerase chain reaction (RT-PCR) test.
Gindisinfect man ang bug-os nga opisina sang Commission on Audit.
Sa subong, ginpaidalom na sa istrikto nga quarantine ang duha ka nagpositibo sa nasambit nga virus.
Ginpat-od man ni Mamon nga padayon nga bukas ang Iloilo Provincial Capitol apang limitado lamang ang numero sang mga empleyado nga yara sa mga opisina.
