ILOILO CITY -Ginakabig nga street level target ang duha ka mga estudyante nga nadakpan sa buy bust operation sa Brgy. East Timawa, Molo, Iloilo City.
Sa interview sang Bombo Radyo sa Team Leader sang Regional Drug Enforcement Unit nga nagpahinago lang sang pangalan, iya ginpahayag nga posible estudyante ang nagaserbe nga parokyano sang mga nagkaladakpan.
Suno sa team leader, online ang transaksyon nga ginahimo sang duha kag ginapaagi ang shipping sang Kush Marijuana sa JRS courier.
Nakuha sa duha ang P1,200 nga buy bust money kag ang duha ka sachet sang Kush Marijuana sa diin lakip na diri ang isa ka buy bust item.
Nahibalu-an nga nagdakpan sanday Friyole Dizon Vergara, 19, sang Brgy. Compania Central, Molo, Iloilo City kag Jino Justiani Melendez, 20, sang Brgy. Hibao-an, Mandurriao, Iloilo City kag lunsay college student.
Sa subong, preso na ang duha sa Molo Police Station kag magapangatubang sang nagakaigo nga kaso.
