Duwa ka estudyante ang kumpirmado nga patay sa pagpangluthang sa sulod sang Ateneo de Zamboanga Junior High School.
Natabo ini 7:50 AM subong nga Martes, Agusto 18, 2026.
Base sa imbestigasyon, hinali lang nagsulod sa classroom ang Grade 7 student nga suspek nga may dala nga pusil kag nagpalupok samtang nagapadayon ang klase.
Naka-live pa sa iya facebook page ang suspek samtang ginahimo ang krimen.
Nakit-an sa video ang pagdinalagan sang mga manunudlo kag estudyante kag isa sa ila ang naigo kag natumba.
Ginpahayaga nga matapos ang insidente, ginluthang man sang suspek ang iya kaugalingon kag napatay man ini.
Sa inisyal nga imbestigasyon, isa ka caliber 9mm ang gin-gamit sang suspek.
Padayon naman ang imbestigasyon sang otoridad kun paano nakaangkon sang pusil ang suspek kag kun paano ini nakasulod sa eskwelahan.
