Ginbawian gid sang kabuhi ang duha ka estudyante sa isa ka eskwelahan sa Cauayan City, Isabela, kahapon nga adlaw, Oktubre 3, matapos ang mga ini nga nakuryente sa ginpatigayon nga Color and Bubble Fun Run.
Base sa reports, isa ka walo ka tuig nga lalaki kag isa man ka pito ka tuig nga babayi ang biktima sang insidente sa Cauayan South Central School.
Suno sa mga awtoridad, nagasinadya pa ang mga kabataan antes ang insidente sang gulpyada lang nakit-an ang isa sa mga ini nga natumba.
Didto na kag gindala ini sa rescue team kun sa diin nahibaluan nga may isa pa ka nauna nga biktima sang hitabo.
Sa data sang kapulisan, apat ang nakuryente sa Color and Bubble Fun Run, apang duha diri ang gindeklarar nga dead on arrival samtang gindala sa ospital.
Nagapanawagan naman ang isa sa mga lola sang nagtaliwan nga estudyante nga dapat hibaluon kun ano ang nangin kapaslawan sang aktibidad nga gintunan sang kamatayon sang iya nga apo.
