Ginapabalik na ni Department of National Defense Secretary Delfin Lorenzana sa pwesto ang ginpahalin anay nga intelligence chief sang Armed Forces of the Philippines nga si Major General Alex Luna kag amo man si Civil Military Operations chief Major Benedict Arevalo matapos natukiban nga wala sang kahilabtanan sa pagpagwa sang kontrobersyal nga red tag list.
Matapos ang pila ka bulan nga pag-imbestigar sa amo nga kontrobersiya, ginapahayag nga nadiskubrehan nga wala sang sala sanday Luna kag Arevalo sa pagsapubliko sang amo nga unverified nga listahan.
Matandaan nga ang amo nga red tag list ang nagpahayag nga pila ka prominente nga indibidwal nga naggradwar sa University of the Philippines ang kabahin na subong sang New People’s Army (NPA).
Suno kay Lorenzana, ginpaandaman na niya si General Luna nga indi na dapat matabo liwat ang amo nga insidente.
Ginpahayag ni Lorenzana nga indi pa cleared sa liability ang duha ka heneral bangud ginsilutan sila sa idalom sang principle of command responsibility.
Suno pa sa tiglikom, nagapati siya sa “second chances” rason nga ginpa-reinstate niya sa pwesto ang duha ka nasabit nga heneral.
Suno pa kay Lorenza, naulamid lang duha sa bagay nga indi man nila sala, gani nagakabagay lang nga hatagan sila sang kahigayunan.
