Patay ang 2 ka indibidwal samtang pilason naman ang 8 matapos ang pagpangluthang nga natabo sa Brown University sa Providence, Rhode Island, sa Estados Unidos samtang nagapadayon ang final exams sang mga estudyante.
Suno sa mga awtoridad, ang suspek ang isa ka lalaki nga nakit-an nga nagasuksok sang itom nga panapton sang natabo ang nasambit nga krimen.
Nagpagua naman ang unibersidad sang shelter-in-place alert kag nagakoordinar sa mga kapulisan kag mga medical team samtang nagahatag sang suporta sa mga estudyante, empleyado, kag pamilya nga apektado sang insidente.
Sa karun, nagapadayon ang pag-imbestiga amo man ang pagpangita sa suspek nga nakapalagyo. Nagapahanumdom man ang mga lokal nga opisyales sa publiko nga magpabilin nga mabinantayon sa ila tagsa ka palibot.
