Arestado ang duha ka kabataan sang isa ka drug personality sa ginpatigayon nga buybust operation sang Iloilo City Drug Enforcement Unit (CDEU) sa Zone 1, Brgy. Bakhaw, Mandurriao, Iloilo City, kahapon nga adlaw, Pebrero 26.
Ang main subject amo si alyas ‘AJ’, 20-anyos, kag isa ka contruction worker kaupod ang iya magulang nga si alyas “Batwan”, 21-anyos kag isa
ka Passenger Assistant Officer (PAO).
Nakuha sa mga ini ang 14 ka sachet sang iligal nga druga ng ginabulubanta masobra 280 grams kag may standard drug price nga P1,904,000.
Sa interview sang Bombo Radyo kay Police Captain Roque Gimeno III, officer in charge sang Iloilo City Drug Enforcement Unit, iya ginpahayag nga nadakpan sang nagligad lang nga tuig ang amay sang duha sa kapareho man nga kaso kag nagapabilin nga preso sa Bureau of Jail Management and Penology (BJMP) sa Nanga, Pototan.
Sa subong, yara na sa kustodiya sang ICPS 10 ang mga nadakpan nga mga indibidwal kag posible magapangatubang sang kaso nga pagpalapas sa Republic Act 9165 ukon Comprehensive Dangerous Drugs Act of 2002.
 sa Zone 1, Brgy. Bakhaw, Mandurriao, Iloilo City, kahapon nga adlaw, Pebrero 26){kind=link}